Nuup, Kangerlussuup Sisimiullu akornanni timmisartuussinerit Air Greenlandip maanna iluatsippai, taamaalillutik ilaasussat kanngikkaluit apuuffissaminnut maanna anngussimalerlutik – silali timmisartuussinernik suli ajornartorsiortitsivoq.
Nuummiit, Paamiunut, Kangilinnguanut, Qaqortumut, Narsarsuarmut utimullu timmisartuussinissaraluit silap ajornera pissutigalugu taamaatiinnarneqarput. Taamatuttaaq Nuummiit Kulusuliartussaagaluaq taamaatiinnarneqarpoq, Tunumi silarlunnera pissutigalugu. Kulusuliarnissaq arfininngornermut januaarip ulluisa 27-annut inissinneqarpoq.
Qulimiguulik S-61 Nuummiit Paamiunut, Kangilinnguanut, Qaqortumut Narsarsuarmut utimullu aqagu sisamanngornermi ingerlatinneqassaaq.
Air Greenlandillu ilaasussat aammaarluni kajumissaarpai Tekst-TV aamma nittartagaq www naggat airgreenland naggat gl malinnaavigeqqullugit, imaluunniit stationinut paasiniaaqqullugit.