Serbiami Radikalit ajugaapput
22. januar 2007 07:26
Jugoslaviaasimasup ilaani Serbiami inatsisartunut ippassaq qinersinermi nunagisamik pingaartitsiniartut partiiat Radikalet ajugaarujussuarput, qinersisartut 28 procentiinit taaguunneqarsimallutik.
Radikalli ajugaarussuaraluarlutik kisimiillutik naalakkersuisunngortitsisinnaanngitsut, allanilli suleqatissarsiortariaqassasut, nutaarsiassaqartitsivimmi ritzaumi aallaaserineqarpoq.
Serbiami qinersinermi partiit taaguunneqarnerpaat tulliattut inissittut tassaapput Demokraatit, qinersisartut 23 procentiinit taaguunneqarsimapput, demokraatillu siulittasuat Boris Tadic naalakkersuisunngortitsinissaq siunertaralugu suleqatigiilernissamut piareersimanerarpoq.
Serbiami ministeriuneq Vojislav Kostunica, qinerisartut 16 procentiinit qinerneqarsimavoq.
