Kalaallit Australiamiullu angutit assammik arsartartut Danmarkimi Røddingimi ippassaq unnukkut sungiusaatigalugu unammimmata kalaallit 35-24-mik ajuupput.
Unamminermi angusaq sungiusaasup Jacob Andreasenip naammagisimaartorujussuuvaa, suleqatigiilluarnerullu kinguneratut nalilerlugu. Unammisut anisitaasoqaratik unammipput, inuusunnerusartaallu assut takutitsilluarnerarpai.
Kalaallit Australiamiullu unammineranni isiginnaariat 200-simapput.
Unammisartoq Rasmus Larsen, nunanut allanut unammisarnermini ippassaq 75-sissaa unammisimavoq.
Kalaallit ippassaq ajugaareerlutik nunarsuarmi pissartanngorniunnissamut januaarip 20-ianni aallartittussamut, kissassernertik Frankrigemut bussinut ilaallutik nangikkiartorpaat.