Nuummi inissisimasumik aatsitassanut misissueqqissaartafeqalernera nunatsinni aatsitassarsiornermut assut iluaqutaasoq, aatsitassarsioqatigiiffiup Nuna Mineralsip pisortaa Ole Christiansen unnersiorpoq.
Misissugassanik nunanut allanut nassiusseqqaarani namminerisamik misissuisarfimmi misissuipallassinnaaneq assut iluaqutaanerarpaa.
- Siornagut akissutit qaammatini marlunni allaat utaqqisinnaasarpugut, massakkulli sapaatip akunnerisa marlussuit ingerlanerinnaanni akissutissarsisalerpugut, Ole Christiansen erseqqissaavoq.
Tamanna pillugu Nuup kangerluani misissuinernit inernerusut qanittukkut saqqummiunneqassagunarput.
Aatsitassaqarneranik misisuisarfiup piviusunngortinneqarneranut katillugit 5 million koruuninik aningaasaliisuupput, Nuna Minerals, Nuup kommunea kiisalu Grønlandsbankip inuussutissarsiutinik ineriartortitsinermut aningaasaateqarfia.