Ippassaq Nuummi katersorsortarfimmi angerlarsimaffeqanngitsut kisimiittullu juullisioqatigiipput.
Nuummi angerlarsimaffeqanngitsut kisimiittullu 40-50 missaanniittut nereqatigiipput puulukituullutik, naatsiianik kajortitanik allanillu mamarsarlutik.
Nereqatigiinneqareermat aliikkusersuisoqarpoq, aliikkusersuisoralugit tissisaarisartoq Erland Olsen Elvis-isorluinnaq erniarsortoq isikkoqartorlu. Elvis kisimi aliikkusersuinngilaq tassami aamma erinarsoqatigiit Qissiat, Nuummi qarlortarlutik nipilersortatuit aamma aliikkusersuipput.
Angerlarsimaffeqanngitssut kisimiittullu Nuummi niuertarfiit ilaannit tuniorarneqarput, soorlu aamma tamarmik tæppimik oqorsisimaarutissaminnik tunineqartut. Nuummi taxartartoq Benny Kokholm angerlarsimaffeqanngitsut kisimiittullu juullisiorneranni najuussimavoq.