Ujakkaarluni ooqattaasartartoq Uiloq Slettemark nunarsuarmi pissartanngorniunnissamut atatillugu imminut tatiginerulersinnaanngorpoq, Europa Cupip Østrigimi sapaatip-akunnerata kingulliup naanerani ingerlanneqartup inernera pissutigalugu.
Unammersuarnermi tassani ooqattaasartaleramili aatsaat taama angusaqarluartigaaq, eqqorniagassat 20-t akornanni 18-it eqqoramigit. Unamminerni siullerni pingasuni eqqorniagassat 15-it aamma tamakkerpai, taamaalilluni normu 43-tut inissilluni.
Uiloq Slettemark Italiamili nunarsuarmi pissartanngorniunnissanut sapaatit-akunneri arfinillit qaangiuppata pisussanut peqataassaaq.