Gaza-mi Palæstiinamiittumi angutinit suli kinaassusersineqanngitsunit meeqqat nukappiaqqat pingasut arfinilinnik qulingiluanillu ukiullit Palæstiinamiut politiit paasiniaasartuisa ittuannit qitornarineqartut toqunneqarsimapput.
Meerannguillu taakku ullaakkut atuariartortillugit Hamasimit pikitsitsisunit toqunneqarsimasut oqaatigineqarpoq.
Palæstiinap naalagaaffiani Hamas-imut illersuisut amerlanerussuteqarput – Præsidentiatalu Mahmoud Abbasip Hamas-inut illuatungiliuttoq Fatah-partii illersugaraa.
Taamaattumik ullumikkut pissangatigineqarpoq Hamasikkormiut Fatah-partiillu akornanni qanoq pisoqarumaarnersoq.
Takunnittut oqaluttuarnerat naapertorlugu meerannguit unguneqarsimapput angullu ilisarineqanngitsoq politiinut eqqalersimalluni.
Politiit paasiniaasartuisa ittuata qitornaarsertuusup præsidenti Abbasi tapersersugarisimavaa taamalilluni Fatamut attuumassuteqarluni.