Aalisarneq pillugu Savalimmiut Kalaallit Nunaatalu ukiumoortumik isumaqatigiinniarneri novembarip ulluisa 28-nni 29-nnilu ingerlanneqarput.
2007-imut pisassiissutigineqartussat illuatungeriit isumaqatigiissutigaat.
Qaleralittassat, nataarnartassat, raajartassat ammassassuartassallu ilaatigut isumaqatigiissutigineqarput.
2007-imut pisassiissutigineqartussat illuatungeriit isumaqatigiissutigaat. Isumaqatigiinniarnerit eqqissisimasumik ingerlanneqarput. Aalisarnermut 2006-imi isumaqatigiissutip ilassutitaani pisassiissutigineqarsimasut allangortinnagit ingerlateqqiinnarneqarput.
Savalimmiunut pisassiissutigineqartartut Kalaallit Nunaannut pisassiissutinut naleqqiullugit siusinnerusukkut amerlanerusarsimapput. Aalisarneq pillugu sorna isumaqatigiissummi tamanna allanngortinneqarpoq, maannalu aappaagumut isumaqatigiissummi tamanna attatiinnarneqarluni.
Isumaqatigiinniarnerni suluppaakkat 2005-imisut
2006-imisullu isumaqatigiinniarnerni ilaatinneqanngillat, suluppaakkat Irmingerhavimi ikerinnarsiortut aqunneqarnissaat pisassiissutigineqarnissaallu pillugit Kalaallit Nunaata, Savalimmiut Islandillu isumaqatigiinniarneri suli naammassineqarsimanngimmata.
Aalisarnermik inuussutissarsiuteqartut isumaqatigiinniarnerni peqataatitaqarput, isumaqatigiinniarnerillu inernerat tamanit naammagisimaarneqartoq, Aalisarnermut Piniarnermullu Pisortaqarfik ilisimatitsivoq.