Piffissami kingullermi tusarparput juullip inuata akissaarukkaluarnerani ikiorsiisoqartoq, taamalu meerarpassuit allagaat akineqarsinnaalersut.
Juulimaap akissaarukkaluarnera Tuluit Nunaannut USA-mullu annguppoq, soorunalumi aamma Danmarkimut.
Meeqqat allagaat akineqartalissapput, allakkallu siulliit 5000-it Nuup allakkerivianit ullumi nassiunneqarput.
Nuup kommuneata takornariartitseqatigiiffimmik Nuuk Tourismemik piginneqatigiissutini aningaasanik 1 millioni koruuninik amerlissallugit sapaatip akunnerata siuliani aalajangermat, allagarpassuit aappaagumiit akineqartalernissaat qulakkeerneqarpoq, Nuuk Tourism-illu aaqqissugaanik Juullip Inua ullumi Nuup allakkerivianukartinneqarpoq.