Nunat tamalaat Amerikamiunik siuttoqarlutik ukioq 2003-mi Irakimut saassussinerisa sakkutuliinerisalu kingorna saassussisarnerit sakkortusiartuinnarsimapput, ullumilu ulloq Irakimi aporaattoqartarnerani aassunninnerpaatut nalilerneqarpoq.
Inuit 133-it toqutaapput allallu 200-it ikilersiterneqarlutik, Bagdadip ilaani Shiitit najugaqarfianni biilit arfinillit ullumi qaartinneqarmata.
Qaartitsisoqarnerata kingunerisaanik Irakimiut piffissaligaanngitsumik angerlarsimaffimminnit aneqqusaajunnaarput.
Qaartartut biilinut arfinilinnut inissinneqarsimasut tonsip affaanik oqimaassuseqarsimapput.
Irakimissaaq peqqinnissaqarfik angutinit 100-init sakkulersorsimasunik ullumi aamma saassunneqarsimasoq, nutaarsiassaqartitsivik Ritzau tusarliussivoq.