Pisortat Angalatitseqatigiiffissaannik nutaamik pilersitsinissamik, Siumut sinnerlugu Inatsisartuni ilaasortap Per Rosing Petersen-ip siunnersuutaa, Inatsisartuni ullumi akuersissutigineqanngitsoorpoq.
Innuttaasut akikinnerusumik angalasinnaalernissaat Angalatitseqatigiiffimmik siunnersuuteqarnerminut tunngaviusoq Per Rosing Petersen oqarpoq.
Taassumali siunnersuuta Inatsisartuni amerlanerussuteqartunit Kattusseqatigiit minillugit tassa ilalerneqanngitsoorpoq.
Per Rosing Petersen-ip siunnersuutaa amerlanerussuteqartunit ilalerneqanngikkaluartoq akunneq sinnerlugu oqaluuserineqarpoq.
Per Rosing Petersen-ip siornagut Angalatitseqatigiiffimmik allamik pilersitsiniarnermut atatillugu ilisimaneqartup, siunnersuuteqarnerminut atatillugu ilaatigut, angallatit qaatsiartaatit, Targat, timmisartullu suluusallit Dash-it minnerulaartut atorlugit akikinnerusumik angalasalersinnaanerit ullumi tunngavilersuutigai.