Paamiuni suluusalinnut mittarfiliassap naalakkersuinermik sulialinnit 1998-mili kinguarteqattaartuarneqarnera raajaleriffittaamut kingunerlussanngilaq.
Taama ilisimatitsipput Royal Greenlandip pisortaa Henrik Leth aamma taqqavani suliffissuup pisortaa Gorm Diernisse.
Fabrikip pisortaata ajuusaarnartuutippaa Paamiut suluusalinnut mittarfittaartinniarneqanngimmat.
- Suliffissuaq periarfissaalatsilissaaq, qularnanngilarlu suliffeqarfinnik nutaanik Paamiuni aallartitsisoqarsinnaagunarnani.
- Nuummut ataatsimiigiarniaraanni sapaatip akunnera mulusariaqartarpugut, sapaatimmi akunneranut ataasiaannarluni qulimiguulik umiarsuarlu tikittarmata, suliffissuup pisortaa Gorm Diernisse radioaviisimut oqarpoq.
Paamiuni suluusalinnut mittarfilionissaagaluaq naalakkersuisuusartunit 1998-mili kinguartinneqaqattaarneqartarpoq, taamanilu aningaasaqarnermut ataatsimiititaliap timmisartortitseqatigiiffiullu akerlileraluarlugu.