Inatsisartut ukiaanerani ataatsimiinnerat novembarip qulingata tungaanut sivitsorneqassasoq Inatsisartut siulittaasuata Jonathan Motzfeldtip ilimasaarutigaa.
Inatsisartut siulittaasuata oqaatsit peqqutaanerarpai:
-Kukkusoqassanngilaq, illuatigulli oqaatsit marluiit atortillugit pinngitsoorneqarsinnaassanani.
Ukiaanerani ataatsimiinnerit piffissarititaasumut uuttukkaanni oqaluuserisassatut siunnersuutit amerlagisassaanngillat. Siunniunneqaraluarpormi oktobarip 29-iani ataatsimiinneq kingulleq pissasoq.
Ukiut marlorpiaat qaangiupput Jonathan Motzfeldt naalakkersuisuni siulittaasuutilluni maanaannaq qinersisitsimmat, erseqqissaatigaali massakkut taamaattoqassanngitsoq.
-Tamannami Naalakkersuisut siulittaasuata aalajangissavaa, taamaattoqarnissaali ilimaginngilara, Jonathan Motzfeldt oqarpoq.