Nunatsinni arnat assammik arsartartut Faxe Cupimik taallugu 15-nissaannik unammiuaarneranni Nuummi Inussivimmi ingerlanneqartumi ulloq kingulleq pissartanngorniuffiusoq taama aallartinneqarpoq.
Ullumi unamminerit normu fem-inngorniunnermik aallartinneqarpoq, tassanilu Nuuk Nuummeersut Aqissiarlu Maniitsumeersut unammipput. Nuuk Nuummersut Aqissiamut Maniitsumeersunut 22-20-mik ajuullutik normu fem-inngorput Aqissiarmiullu taamaalillutik normu seks-inngorput.
Taava bronzennanniunneq maanna aallarteruttorpoq tassani unammipput GSS Nuummeersut aamma SAK Sisimiuneersut.
Kristian Heilmann Faxe Cupi 1991-imili unammissutigineqartalermalli peqataasarsimasoq sungiusaasorlu oqarpoq Faxe Cupimut arnat peqataasinneqartarnerat arnat assammik arsartartut siuarsarneqarnissaannik ilaatigut siunertaqartoq.
-1991-mi aallartimmat oqariartuutigineqarpoq, angutit kisimik aallunneqassanngitsut arnartagulli aamma siuarsarneqartariqartut. Nunatsinni pisaartanngorniuttarnerit kisiisa isumalluutaannginnissaat Faxe V Cupip aallartinneqarneranut aamma siunertaaqataapput. Ukiumummi unammisarnerit amerlanerugaangata siuariartortoqarnerusarpoq.
Nalunaaqutaq tallimaniit finali aallartsissaaq, tassanilu finalissapput kalaallit Danmarkimi ilinniartut sinnerlugit unammisartut Ligalandsholdit, taakkulu unammissavaat, Faxe Cup-pimut Nuuk kommuneata Danmarkimi kinngutaanit Lyngby-meersut Lyngby HK-p arnartai. Pisartanngorniunnerit KNR-TV-kkut aamma aallakaatinneqassapput.