Nunarsuarmi qalipakkat akisunersaannik 850 million koruunilimmik piginnittup Steve Wynnip, qalipagaassuani Las Vegasimi tuniniartillugu kukkuluttorujussuarsimavoq.
Pisoorsuup taassuma qalipagaq Pablo Picasso-p qalipagaa franskisoorlugu taaguutilik ’Le Reve’ tassagooq isumalik ”Sinnattoq”, qalipaasartumut pisoorsuaqamminut Steven Cohen-imut kammalaatigiillutik allaffimminiinnerminni tunigaluarsimavaa.
Tunileruttorlugu ussersorluartorujusuulluni oqalunnermik qalipagaq ikusimmittoorsimavaa putusoorlugu, nippaallugugooq inuttaa oqarpoq:
- Aah saaffaarsuk! Susorsuusungaana aamma!
Qujanaqaarmi uanga putusoorakku.
Picasso-p qalipagaani qalipanneqarsimavoq Picasso-p arnaatigisimasaata 21-nik ukiulik Marie-Theresa Walter, taannalu tassa koruuninngorlugu 850 million koruuneqarpoq.
Allatut ajornartumik qalipagaq putummat tuninngitsoorpaa, qalipakkap ikusimminneqarami fem koruunisut atsigisumik putusup aaqqissuunneqarnissaanut akiliinissi kisinngoruppaa.