655.000-it maannamut toqutaasimapput
2003-mi Irakimik saassussisoqarmalli inuinnaat toqutaasimasut amerlassusaat USA-mi republikanerinut eqquissagunaqaaq. Tuluit Nunaanni nakorsat atuagassiaat The Lancet aqagu saqqummiunneqarpat kisitsisit uissuumminaannartut takuneqarsinnaalissapput.
Inuinnaat 655.000-it maannamut toqutaasimapput, Irakimilu inuit 40-gaangata ataaseq toqutaasartoq nalunaarusiami atuarneqarsinnaavoq.
Nalunaarusiaq USA-mi Baltimoremi ilisimatuunit suliarineqarsimavoq.
Irakimiut 13.000-ngajaat apersorneqarsimapput, inunngorsimasut toqusimasullu qassiusimaneri paasiniarneqarluni.
Peqqarniisaarniarnerit allatulluunniit ajortuliornerit pissutigalugit inuinnaat 601.000-it toqutaasimasut amerlanerpaajupput, sinnerilu akiuunnerni eqqaassinerniluunniit toqutaasimallutik.
Nalunaarusiorniarnermi suliniarneq ajornakusoorsimaqimmat, kisitsisit nalunaarusiami saqqummersinneqartut tutsuiginassusaat apeqquserneqarsinnaasut ilisimatuut ilisimatitsissutigaat.