Angut 18-inik ukiulik Sisimiuni ippassaq tigusarineqarpoq illoqarfimmilu arlaleriarluni tillinniarsimasutut unnerluutigineqarluni. Sisimiuni politeeqarfimmi pisortaq Hans Falck-Petersen taama ilisimatitsivoq.
18-inik ukiulik ullaaq manna eqqartuussivimmi sassartinneqarpoq. Tillinniarnerit sisamat politiinit misissuiffigineqarnerisa nalaani ulluni 14-ini tigummigallagassanngortinneqarpoq.
Tigummigallagaasoq aningasanik sikaritsinillu sisamariarluni tillinniarsimasutut pasineqarpoq.
Angut inuusuttoq politiinit qangali ilisimaneqareerpoq Sisimiunilu mittarfiup aqqutaani ullut 14-t matuma siorna biilinik ajuttortoqarmat, inuup ataatsip inuuneranik naleqartumi, aamma ajutooqataasimavoq.