Nuummi atisaarniarfiup In Fashionip nujaleriffiullu Salon Puk-ip aaqqissugaannik Diskotek Manhattan-imi atisanik ippassaq takutitsisoqarpoq.
Angutit arnallu inuusuttut ikigisassaanngitsut takutitsinermi peqataapput, ukiaanerani mutiusinnaasut takutissorneqarmata.
Isiginnaariat amerlaqaat, inatsisartunilu ilaasortaq Johan Lund Olsen isiginnaariartunut ilaavoq.
Inuusuttut piginnaanillit saqqumilaarnerunissaat ujartorpaa:
- Ulluinnarni takorpiarneq ajukkavut ersarippallaanngitsut ersialaarsinneqartariaqarput. Inuusuttorpassuit piginnaanilippassuupput, unnuk manna takuagut, kisianni saqquminerusinnaagaluarput, immitsinnut tatiginerulernissatsinnut aqqutissiuisuummata, inatsisartunut ilaasortaq Johan Lund Olsen oqarpoq.