Raajat nalikinnerulerlutillu, ukiup affaani kingullermi avammut tunisassiarineqartarneri annikilleriarput.
Raajat tunineqarsimasut ukioq kingullermut naleqqiullugit, 53 million koruuninik ikinnerusunik ukioq manna tunisisoqarsimavoq. Kisitsisit naatsorsueqqissaartarfimmeersut taama takutitsipput.
Piffissami kingullermi, raajat akii 2 koruuninik appariarsimapput.
Akerlianilli qaleralinnik saarullinnillu avammut tunisat amerleriarsimapput. Saarullinnik qaleralinnillu tunisaqarnerusimaneq, ukiumut kingullermut naleqqiullugu 54 million koruuninik amerlanerusunik tunisaqartoqarsimavoq.
Qaleraliinnaat tunineqarnerini amerleriaataasut 43 million koruuniupput.