Irak-imi illoqarfiit pingaarnersaanni Bagdad-imi shiamuslimit amerlanerussuteqartut sunnimuslimillu ikinnerussuteqartut sorsuuttuarsinnarput.
Irak-imi politeeqarfissuup eqqaani biili ullumi qaartinneqarmat inuit 14-t toqutaapput allallu 60-it ikiligaallutik.
Politiittaaq illoqarfiup iluani inuit toqungasut 60-it sumi tamaani nassaariortorpaat.
Naalagaaffiit Peqatigiit qaammatit marluk matuma siorna naliliivoq, Irak-imi inuit 100-t ullut tamaasa aaqqiagiinngittuarneq pissutigalugu toqusartut.