Neqilerisut pikkorissarnerusariaqarput

Neqi A/S–ip aammalu Inuussutissalerinermi Ilinniarfiup, Inuilip, neqinik tunisassianik ineriartortitsillutik pikkorissartitsinerat iluatsilluarmat, manna Namminersornerullutik Oqartussat ataani Piukkunnarsaalluni Ineriartortitsinermi Siunnersuisoqatigiit pilersaarutigilerpaat, nunatsinni neqilerisut tamarmik pikkorissarnissanut periarfissinneqassasut, siulittaasoq Gerhardt Petersen taama oqarpoq:

- Anguniartariaqarparput kikkulluunniit tamakkuninnga soqutigisaqartut pisiniarfinni sulisuugunik, neqilerinermiluunniit suliaqarusuttut pikkorissarfinni pikkorissarsinnaanerat, Inuili Neqi A/S-lu peqatigalugit, Gerhard Petersen oqarpoq.

Taanna aperaarput pikkorissarnerit kikkunnut tamanut neqilerisuunngikkaluanut allaat ammatinneqarnersut.

- Amerlanerusut periarfissinneqarsinnaasariaqarput, pisiniarfiit immikkoortortaqarfiini, slagterafdelingini kiisalu taamatut siunissami atorfittaarusuttut, Gerhardt Petersen, Namminersornerullutik Oqartussat ataani Piginnaanngorsaalluni Ineriartortitsinermi Siunnersuisoqatigiit siulittaasuat taama oqarpoq.