- Uggornaqaaq. Arctic Travel Group-ip timmisartuussisarnini unitsereeraalu, ineqarnermut attaveqarnermullu naalakkersuisoq Jørgen Wæver Johansen taama oqarpoq.
Qaammatit pungasut ingerlanneqareeraluarluni, ilaasukippallaartarneq pissutaalluni silaannakkut angallassineq akissaajaataaginnalermat, Arctic Travel Group-ip timmisartuussisaleraluarnini unitsittariaqalerpaa.
Suliffik sunaluunniit aallartisarneqaraangat amingartooruteqarluni ingerlaqqaartarnissaq kikkunnilluunniit naatsorsuutigineqartassasoq, Jørgen Wæver Johansen-ip eqqaavaa. Neriuutigaali, nunatsinni timmisartuussisarnerni allanik unammillersinnaasunik takkuttoqarumaartoq.
Siunissaq eqqarsaatigalugu, Arctic Travel Group-ip, Arctc Umiaq Line-i ingerlattuarallarniarpaa.
Naalakkersuisullu naatsorsuutigaa, umiarsuarmik ilaasunik angallassineq Arctic Travel Group-ip ineriartortikkumaaraa.
Immaqami tamanna iluatsissinnaassavaat, naalakkersuisoq naggasiivoq.