Aalisarneq pillugu nutarterisoqartariaqarpoq

Nunatsinni 1970-ikkut qiteqqunneranni suliffiit, aalisarneq aallaavigalugu suliffiusut, aalisarnermut attuumassuteqartut, 30 procentii, ukiuni makkunani

15 procentiinnaapput. Ineriartorneq taamatut ingerlaannassasoq, nunatsinni aningaasaqarneq pillugu ataatsimiititaliaq isumaqarpoq.

Ataatsimiititaliaq isumaqarpoq raajanik qaleralinnillu aalisarneq eqqarsaatigalugu nutarterisoqartariaqartoq.

- Teknikkikkut ineriartortoqarsimanerata suliffissatigut allannguititsisimanera kialuunniit aqussinnaanngilaa, ataatsimiititaliap siulittaasua, Christen Sørensen, ulluni makkunani nunatsinniittoq, taama oqarpoq.

- Allat periarfississallugit pingaaruteqarpoq. Suut tamarmik iluatsissappata inuit piginnaanngorsarneqartariaqarput, suliffiillu siunissallit tigoorarlugit. Pingaartumik sanaartornermut assigisaanullu tunngasut eqqarsaatigalugit, Christen Sørensen oqarpoq.

Siunnersuisooqatigiit isumaqarput, sanaartornermut tunngasunik sulisinnaasut pisariaqartinneqarluinnartut.