Amerikamiut timmisartuutaanni ilaasut aqqaneq-marluk perulluliorniartutut pasisaallutik ippassaq tigusaasut, Hollandimi oqartussaasut iperagaatinniarpaat.
- Pasineqartut ilisimannittullu nassuiaateqarnerisigut, tigusarineqartut ilumut sakkortuuliorniarsimanersut uppernarsaatissaqartinngilarput, unnerluussisussaatitaasut nalunaarutaanni erserpoq.
Unnerluussisussaatitaasut naapertorlugit, timmisartumi qaartartoqarnersoq politiit misissorsimagaluarpaat, nassaartoqarsimanngilarli.
Amerikamiut timmisartuanni, Northwest Airlinesimi, issimasunit 149-nit aqqaneq-marluk politiinit tigusarineqarput, timmisartoq Indiami illoqarfimmut Mumbai-imut ingerlaaraluarpoq. Timmisartumi issimasut arlalissuit eqqumiitsumik pissusilersornerarlugit timmisartumi sulisut nalunaarutigimmassuk, timmisartoq Amsderdamimut uteqqullugu peqquneqarpoq.