Japanip Koreap Avannaanut illersornissaa annertusarniarlugu USA Japanimi sakkulersorpoq.
Koreap Avannaanit siorasaarutit iliuuseqarfiginiarlugit USA raket-inik igeriuttakkanik 80-nik Japanimut neqerooruteqarsimasoq, japanimi nutaarsiassaqartitsivik Kyodo allaaserisaqarpoq.
Japanip illersornissaqarfiata neqeroorutigineqartut ilaat akuersaarniarpaat, akuersaarniarnerlu raketinik illersornissamik pilersitsiniarnermut pilersaarutinut ilaatinneqarpoq.
Koreap avannaa Japanip nunavittaanut misileraalluni raketimik 1998-mi igeriussinerata kingorna, Japani raketinik illersorsinnaanini annertusarniarlugu suliniuteqarsimavoq.
Koreap avannaa qaammat kingulleq raketinik arfineq marlunnik igeriussilluni misiliivoq.