Diamanteqarfimmik nassaaqqittoqarpoq, tunisassiarineqarsinnaanerili eqqarsaatigalugit sivisuumik utaqqisoqartariaqassaaq.
Maniitsup kangiatungaani Aatsitassarsiorfiup GEUS-illu ujaasisimaneranni ujaqqat kimberlitseqarfiusut nassaarineqarsimapput. Taamatut nassaarneq pingaaruteqarpoq, Aatsitassaqarfimmi pisortaqarfimmi pisortaq Jørn Skov Nieslen oqarpoq.
- Ujaqqat Kimberlit-it diamantinik nassaarfiusarput, kisianni ilimasuppallaarnissaq nangaanarpoq, Jørn Skov Nielsen oqarpoq.
Pisortaqarfiup mannakkut misissorpaa, ujarassiuunik namminersortunik maniitsup eqqani misissuinissamik pisisoqarusunnersoq. Taamaanngippat pisortaqarfik diamanteqassutsimik misissuiniarluni pilersaaruteqarpoq.
- Diamatisiornermi sulineq sivisoorujussuarmik ingerlanneqartarpoq, aatsaallu ukiut tallimat arfinillillu qaangiuppata paassisinnaassavarput diamanteqarluarnersoq, Jørn Skov Nielsen naggasiivoq.