Aningaasanik katersuiniussilerput

Arfininngornerup unnuaani Maniitsumi inissiarsuit ilaani ikuallattoqarneratigut, inissiat aqqaneq-marluk najugarineqarsinnaajunnaarput, ilaqutariillu aqqaneq marluk najugaarukkallarput.

Ikuallalerneq pilersorineqarpoq, najugaqartut ilaata pujortartilluni artulersimanera, ikuallannerlu sakkortusimammat sanilerisanut siarualertorsimaqaluni.

Maniitsumi Politiit oqarput qatseriniarnerup nalaani inuit imerniartarfimmiit aniallutik ikuallattumut alapernaasertut, Politiinut qaterisartunullu qamisaaniartillutik tamaviaaqisunut akornusersuisimaqisut, tamannalu ajuusaarnartutut akuerineqarsinnaanngilluinnartullu nalilerneqarpoq.

Ikuallarujussuartoqarnerata kingunerisaanik inissiani najugaqartut inigisaminnik taamatullu pigisaminnik annaasaqartut, Maniitsormiunit ikiorniarneqarlutik katersuiniunneqalerput, ilaatigut Maniitsormiut Lokal Radiortik Akisuasoq Radio TV aqqitigalugu. Maniitsumi illumiit illumut aningaasanik katersuiniarnerit piffissani qanittumi ingerlanneqarumaartut, ikiuiniarluni suleqatigiisitaliameersoq Karl Davidsen oqarpoq.