Pinngitsaaliisoq suli nassaarineqanngilaq
Arnamik 20-t sinnilaarlugit ukiulimmik Narsami pinngitsaaliilluni arnerisimasumut tunngasumik Narsami politiit sunnguamilluunniit suli saaffigineqanngillat.
Narsami politeeq, Lars Kierkegaard, ulloqeqqata siorna taama ilisimatitsivoq.
- Uggornarlunilu eqqumiiginalaarsinnaavoq, Lars Kierkegaard oqarpoq.
Pinngitsaaliineq Narsap illoqarfiata qeqqani narsaamanerujussuarmi Kirkemosemi sapaatiummat ullaaralaaq pivoq, angullu pinngitsaaliisoq qanoq isikkoqarnersoq arnap politiinut oqaluttuarilluarsinnaasimavaa. Taamaakkaluartoq ilisarsisimasinnaasumik politiinut manna tikillugu saaffiginnittoqanngilaq.
Angut pineqartoq 30-t 40-llu akornanni ukioqassagunarpoq, 170 centimeterit missaannik angissuseqarluni. Isikkua kalaalerpasippoq, kisianni qaamasunik, qeratasuunik naatsunik nujaqarluni. Tungujortunik iseqarpoq, talloqqortuujusorlu ilanngullugu ilisimatitsissutigineqarpoq.
Nalunaaruteqarsinnaasut Narsami politiinut saaffiginneqquneqarput – 66 12 22.