Qilalugartassat amerlineqarnissaat Qaanaap Kommuneanit kissaatigineqarpoq. Kommunimi aningaasaqarnermut ataatsimiititaliaq QNAPP saniatigooralugulu pinialuttartut ataatsimeeqatigereersut isumaqarput qilalukkat qernertartassiissutit 65-t ikippallaartut. Pisasiissutit tamakkerneqalereerput, aqqanillit taamaallaat amigaataallutik.
Qaanaami borgmesteri Johanne H. Nielsen, Aalisarnermut Piniarnermullu Pisortaqarfimmut allappoq neriorsuilussinnartoqarsimaneralu malugellugu.
- Qilalukkanik killilersuisoqalermat neriorsorneqarpugut, ukiuni tallimani 500-inik qilalugartassiisoqassasoq, tassa ukiumut 100-t, Johanne H. Nielsen allappoq.
Qaanaami piniartut 35-nik, Savissivimmilu piniartut 15-nik, Qimusseriarsuarmi qilalugartassinneqarnissaat kissaatigineqarpoq, piniartut ukiup taamaasineratigut aningaasarsiorfiusinnaasunik allanik isumalluutissaqannginnerat tunngavigineqarluni.