Sullorsualiorsinnaanissaq siunnersuutiginiarpaat
Skrevet af Mads Lynge
22. juli 2006 13:24
Suleqatigiissitat, Nuup akianut nunap iluatigut sulluliarsualiortoqarnissaanik timmisartoqarfiliortoqarnissaanillu suliaqartut, pilersaarusiamut siunnersuutertik aggustip qeqqani tunniutissavaat.
Ingeniørfirma Cowi A/S Asiaq suleqatigalugu sulluliarsualiorfissaq nuna assiliorpaa, paasivaallu sulluliarsualiornissaq teknikkikkut periarfissaqartoq.
Nuup akiani timmisartoqarfissualiornissaq politikerinit aatsaat aalajangerneqarpat, sullorsualiortoqassaaq.
Apeqqutaalluni qanoq aalajangiisoqarnersoq, Kalaallit Nunaat 15 kilometerisut takitigisumik aqqusinertalimmik sullorsuaqalersinnaavoq Nuup kangerluatigoortumik, sullorsuassap immap qaavanit 300 meteri itisunerpaaffigissallugu, taamaalillunilu nunarsuarmi itinerpaajussalluni.
