Libanon-imiit qimarngussuunneqarput
Libanonimiit innuttaasut sorsunnermit eqqugaasut angerlakaatinneqarneranni Danmark, nunat EU-mut ilaasortaasut naalagaaffiillu allat soorlu USA, Australia, Canada, India Filippinerillu peqatigalugit maannamut siuttuugallarpoq.
Danskisut innuttaassusillit 5000-it missaanniittut Libanon-imit qimagutsinneqareerput, svenskillu 4.700-t aamma angerlartinneqareerlutik. Frankrisut innuttaassusillit 4000-it ullumi 5000-inik allanik ilasussat aamma qimarngussorneqarput.
Tyskitttaaq angerlarartitsinermi aamma ajunngivissumik inissisimapput. Tyskit maannamut 3.500-it missaanniittut angerlartinneqarsimallutik.
Tuluit nalunaarutigaat Libanonimi tuluttut innuuttaassuseqartut 5000-it missaanniittut angerlarartinneqartut suli tamakkivinngitsut.