Issittoq qaammataasiaaqqanit paarineqartussanngortoq

Issittup nunaata ilarujussua qaammataasiaaqqat, imaluunniit satellitsit atorlugit Canadap paarisussanngoraa, Canada-mi illersornissamut ministeriaqarfiup siunnersortaasa nalunaarutigisimavaat.

Erseqqisaatigineqarportaaq nalunaarusiami taakkartorneqartut ilagisimagaat nunat allat nunap avannarpasinnerusortaanik assut aamma isiginninnialersimasut.

Qaammataasiaaraq ataaseq 10 million dollarinik naleqassaaq, Canadallu nunamik avannaarpiarsuata nunataanik piginnittuutitaaninik annertusisinnaavaat, alapernaarsuinerusinnaalernissartik iluaqutsiullugu.

- Qaammataasiaaqqat Canada-p nunakkut silaannaakkullu tamakkiisumik nakkutiginissaanut iluaqutaassaqaat, nalunaarusiami taama allassimasoqarpoq.

Qaammataasiaaqqat pillugit nalunaarusiortut aamma siunnersuutigaat qaammataasiaaqqat 100 kilonik oqimaassuseqartut Canadamiullu namminneerlutik sanariarlugit avataarsuanut aallartissagaat. Taamaaliorunik nunanut allanut attuumassuteqaratillu kinguarsannginniassagamik, aviisi The Ottawa Citizen allaatiginnippoq.