Suliaq Finn Karlsenimut tunngasoq ingerlateqqinneqarpoq

Suliaq Naalakkersuisumut Finn Karlsen-imut tunngasoq, Danmarkimi Naalagaaffiup eqqartuussissuserisuata suliaralugu naammassivaa, suliarlu ullumi aqaguluunniit ingerlateqqinneqassaaq.

Kalaallit Nunaanni Sulisitsisut, februaarip qaammataani Finn Karlsen politiinut tunniuppaat. Taamani Great Greenland-ip pisortaa peqquserlussimanerarlugu, Finn Karlsen oqarpoq.

Politiinillu suliarineqalernera taamani aallartippoq, ilaatigut Finn Karlsen politiinit killisiorneqarluni, suliarlu Naalagaaffiup eqqartuussissuserisuanut kingorna ingerlateqqinneqarpoq.

Finn Karlsen eqqartuussivilersuunneqassanersoq oqaaseqarfiginiarnagu, Naalagaaffiup eqqartuussissuserisuaneersoq statsadvokati Lars Stevnsborg oqarpoq. Pineqartut tamarmik ilisimatinneqaqqaassapput.

Finn Karlsen eqqartuussivilersuunneqassappat, naalakkersuisutut suneqarsinnaannginnera atorunnaarsinneqaqqaartariaqassaaq.