Isralimiut Gazastribe-mut timmisartukkut saassusisaqattaarnertik ingerlatileruttorpaat. Naalagaaffiillu Peqatigiit mianersoqqusilertorput palæstinamiut inuit sakkutuujunngitsut piaarnerpaamik qimagussortinneqartariaqartut.
Oqaatigineqarporlu timmisartoq inuttaqanngitsoq biilit tungaannut eqqaassimmat minnerpaamik inuk ataaseq toqutaasimasoq sinnerilu inuit 13-t ikilerneqarsimasut.
Palæstinamiut ministeriunerat ippassaq kingusinaarluni akiuukkunnaarallarnermik piumasaqaraluarpoq, tamannali Israelimiunit akuersaarneqanngilaq.
- Akiuukkunnaarallartoqartuuppat Israelimiup nukappissap 19-nik ukiullip aallarussaanera pillugu saqitsaanneq naammassilertorneqarsinnaagaluarpoq, taama Palæstinamiut ministeriunerat oqarsimagaluarpoq.