Qaartartorsuarnik atominik ungasissumut ingerlasinnaasunik misileraasarnissaq, Korea avannarliup ingerlattuassallugu aalajangiusimavaa. Iliuusereriikkamut FN-imiit kinguneqartitsisoqarniarpat, Korea avannarleq akisinnaanerarpoq.
Aamma Koreami avannarlerni, nunanut allanut ministeeriaqarfimmiit oqartoqarpoq, qaartartorsuarnik misileraaneq ingerlajuassasoq.
Korea avannarliup iliuusai akerlilerneqarniassappata sakkortuumik akisinnaaneq pisinnaasoq, Koreamit avannarlermit oqaatigineqarpoq.
Taamatut oqalulerneq pivoq, FN-imi isumannaallisaanissaq pilugu ataatsimiisitaliap, Koreap avannarliup qaartartorsuarnik misileraasarneranik akerliliisumik malittarisassamik pilersitsinialersorlu.
Ippassaq USA Japanilu aamma iliuuseqarsinnaanissamut piareersimanerarput.