Somaliami islamimik upperisallit pissaaneqaqisut pinngitsaaliisimasunik tallimanik ujaqqanik milloorlugit toqutassanngortitsisimapput. Taama allaaserisaqarput nunami eqqartuussiviit islamisiortunit ingerlanneqartut.
Taamaalilluni annilaanngatigineqalerpoq eqqartuussiviit islamimik upperisalinnit naalakkersuisoqalernissamik pilersaaruteqarnersut, 2001-mi Afghanistan-imi Taliban-imik naalakkersuisut uppisinneqartut assigalugit.
Islamimik upperisallit ujaqqanik milloorluni toqutassanngortitsinerat nalunaarutaat takkuppoq, sapaatip-akunnerata naanerani sheik Hassan Dahir Aweys Eqqartuussivinni Islamiusuni Ataatsimiititaliami siulittaasunngortorlu. Ataatsimiititaliaq Somaliami eqqartuussivinnit aqutsiffiusuni naalakkersuisutut inissisimassaaq.
Hassan Dahir Aweys Naalagaaffiit peqatigiinni peqqarniisaarniaqatigiinnut al-Qaida-kkunnut attuumassuteqartutut allassimasuutigineqarpoq.