Palæstinamiut najugaqarfiini ”sakkutuunut tunngasunik sivisuumik sukumiisumillu suliniuteqarnissamut” israelimiut sakkutuui piareersaasioqquneqarput.
Sakkutooq israelimiu ippassaq aallarussaareersorlu, ministeriuneq Ehud Olmert ullumi taama ilisimatitsivoq.
Aallarussisut tassaassangatinneqarput palæstinamiut sakkutuui eqimattakkuutaat.
- Peqqarniisaarniat kikkuusinnaasulluunniit akiorniarlugit sakkutuut sukumiisumik piareersaasiornissaannik ippassaq ilitsersorpakka, ministeriuneq Ehud Olmert oqarpoq.
- Peqqarniisaarniat sumiikkaluarpataluunniit nassaarissaqqaarpavut, Olmert Jerusalemimi oqalugiarnermini oqarpoq.
Nunaminertamiit Gazamiit palæstinamiut Israelimut saassussinerisa nalaanni angut israelimiu inuusuttoq aallarussaavoq. Palæstinamiut eqimattakkaat saassussisuunerarlutik nassuereerput.