Qalerallit akii isumaqatigiinniutigineqassapput
Qalerallit akii pillugit Sigguk A/S-ip Royal Greenlandillu akornanni isumaqatigiinninniarnissat ajornakusoorsinnaassasut, Frans Heilmann Sigguk A/S-imeersoq naliliivoq.
Baffinip kangerliumarngani qaleralittassat 1825 tonsit naalakkersuisunit ippassaq Sigguk A/S-imut tunniunneqavipput.
Qaleralittassat Aasiannut tulaassorneqassasut naalakkersuisut aamma aalajangiuppaat, Sigguk A/S-illu Aasianni suliffissuartaarnissaata tungaanut qerititsivimmiissinneqassanngitsut aamma aalajangerneqarluni.
Qalerallit Aasianni Royal Greenlandip suliffissuanut tunineqartariaqassagunarput.
- Taamaaliortoqarsinnaanissaa isumaqatigiissutiginiarsaraarput, immitsinnulli qanippallaanngilagut. Tamaammat allatut iliortoqarsinnnaanissaa ammaffigaarput, Frans Heilmann oqarpoq.
Royal Greenlandip Aasianni suliffeqarfia Sigguk A/S.imit pisiarineqarsinnaanera periarfissanut ilaapput.