Aaqqissuusseqqinneq arriippallaarpoq
23. juni 2006 16:56
Kalaallit Nunaanni eqqartuussiveqarnerup aaqqissuuteqqinnera arriippallaaqaaq, Folketingimi eqqartuussiveqarneq pillugu ataatsimiititaliap siulittaasuata tullia, SF-imi ilaasortaq, Anne Baastrup, taama isumaqarpoq.
- Inuiaqatigiinni taama pingaaruteqartigisut ukiuni 20-ni aaqqinniarneqarnerat ”torinngippallaaqaaq”, Anne Baastrup oqarpoq.
Kalaallit Nunaanni naalakkersuisut Anne Baastrupip isumaqatigai oqarami, Danmarkimi naalakkersuinermik suliaqartut eqqartuussiveqarneq pillugu ataatsimiititaliarsuup isumaliuutissiissutai tamaasa akuersaartariaqaraat.
Danskit inatsisinik atortitsinermut ministeriat nunatsinni Tunumut Kitaanullu aggustimi angalalerpat, Anne Baastrup angalaqataassaaq.
