Ilinniarnertuunngortut 156-iupput
GU-mi ilinniartut 156-it ilinniarnertuunngorniartut ukioq manna nasartaarput.
Ilinniarnertuunngorniartut naammassineq nuannersuuvoq, ataasiakkaalli nasartaarnertik nuannernerujussuartut misigisimassavaat.
Maajip qaammataani oqaluttuaraarput, GU-mi ilinniartut atuanngitsuukulavallaarnertik, suliakkiissutinillu piffissaq eqqorlugu tunniussisannginneq pissutigalugu, atuarfimminnit kingullerpaamik periarfissinneqartartut aatsaat taamak amerlatiginerat.
Taamaakkaluartoq GU-mi ilinniartut, ukioq manna naammassisut, tamarluinnarmik angusipput, Nuummiittut marluk napparsimanertik pissutigalugu kingusinnerusukkut soraarummeertussat eqqaassanngikkaanni.
Aamma kingullerpaamik periarfissinneqarsimasut tamarmik angusipput.
Kingullerpaamik periarfissinneqartoq ataaseq Qaqortuminngaanneersoq, soraarummeertuni pitsaanerpaamik angusaqarpoq.