Tuluit franskillu oqaasii naammanngillat
Franskisut tuluttullu oqaatsit Canadami pisortatigut atuupput, tamannali inatsisartunut qinersisoqartillugu naammanngitsoq, inatsisartunut ilaasortaq, Nancy Karetak-Lindell naalakkersuisunut illua'tungiliuttut Liberalit sinnerlugit qinigaasoq, Nunavummeersoq oqarpoq.
Taassuma siunnersuutigaa, Inuktitut taamaallaat oqaasillit, inuktitullu taamaallaat atuarsinnaasut, iliuuseqarfigineqarnerusariaqartut.
- Qinersivimmi ataatsimi amerlanerussuteqartut ataasiinnarmik oqaasillit, soorlu nunap inuii, immikkuullarissumik iliuseqarfigisariaqarput, Nancy Karetak-Lindell nutaarsiassaqartitsivimmut CBC-mut oqarpoq.
Danmarkip Folketingiani nunatta ilaasortaatitai marluupput, Nunavummiullu ataatsimik Canadami inatsisartunut, tassa parlamentimut, ilaasortaatitaqarput.
Canadami inatsisartunut qinersineq kingulleq januaarip qaammataani ingerlanneqarpoq.