Illersornissamut qullersaq qaartartumiigaangajappoq
Skrevet af Jokum Nielsen
Danskit sakkutuuni qullersaat Jesper Helsøe ullaaq Afghanistanimi biileqatigiinni ingerlaartunut ilaatilluni qaartartumeertingajalluinnarpoq. Hærens Operative Kommando nalunaarpoq.
Danskit sakkutuui biilerlutik ingerlaaqatigiittut taammarsimaarfimminniit 20 km-inik ungasitsigisumiillutik aqquserngup killingani qaartartumik qaartitsivigineqarput. Inunnik ajoqusertoqanngilaq, angallataalli ataaseq ajoquserpoq.
Ingerlaaqatigiittut sakkutuut inuinnaallu imermik suleqatigiissutaat ornillugu qaartartumeerfigitipput.