Nunat inuiisa pisinnaatitaaffii tapersernianngilai
Tassani imatut isikkoqarpoq naalakkersuisut nutaat konservativiusut FN-ip nalunaarutaanut nunap inoqqaavisa pisinnaatitaaffiinut qulakkeerisussamut akerliullutik taasissamaarmata.
Naalakkersuisut isumaqarput tamanna Canadamiut naalakkersuinikkut aaqqissuussinerannut akerliusoq, taamatullu nunamik piginnittussaaneq pillugu siunissami isumaqatigiinniarnissanut ajornartorsiortitsilissasoq.
FN-ip nalunaarutaa ukiut 20-t sinnerlugit pilersinniarneqarpoq, Canadamiullu naalakkersuisuisa isumaat Amnesty Internationalimit kiisalu Canadami indiaanerit suliniaqatigiiffiinit akerliuniarfigineqarluni.
USA, Australia kiisalu New Zealand aammattaaq FN-ip nalunaarutaanut akerliullutik taasissamaarput. Nunat pingasut taakkua nunap inoqqaavinik amerlaqisunik inoqarput.