Annat pappialaliarisarpaat
Australiami pappialaliorfik Creative Paper Tasmania kanngoruut anaat atorlugit pappialaliortalersimavoq.
Kanngoruut anaat atorlugit qanorpiaq pappialaliortarnersoq oqaluttuarineqanngilaq, pappialalligooq taakku ima ingerlalluartigaat uumasut allat anaannik anginerusunik misiliinialerlutik.
Pappialaliorfissuup Sydneymi uumasuuvissuaq isumaqatigiissuteqarfigisimavaa, nagguatsut anaat imminnut nassiuttassagaat, taakkugooq atorlugit postkortiliortarsinnaassapput allaffissanillu pappialaliortarsinnaallutik, tunissutissaarniarfinniligooq tamakku tuniniarneqarsinnaapput.
- Nagguaatsut anaannit pappialaliavut pitsarujussuupput atorluarneqaqaallu, Joanna Gair, pappialaliorfimmi Creative Paper Tasmaniami sulisoq, oqarpoq. Pingaarutilittut taavaa, nagguatsut anaannit pappialaliatik nagguaatsorsunninngimmata. Susunninnersulli oqaatiginngilaa.