Aasiaat qaleralileriffittaassaaq
Skrevet af Mads Lynge
Sigguk A/S-imit nalunaarutigineqarpoq piginneqatigiilluni ingerlatseqatigiiffittaap Sigguk A/S-ip Aasianni nutaamik qaleralileriffissamik suliffissualiornissartik aalajangiussimagaat.
Sigguk A/S Uummannap Upernaviullu kommunianni aalisartut aamma Polar Seafood Greenland-ip assigiimmik piginneqataassuteqarlutik aallartitaraat.
Aasianni fabrikkiliassaq immikkut raajaleriffeeraqassasoq aamma aalajangerneqartoq, pisortaq Frans Heilmann ilisimatitsivoq.
Davis Strædimi qaleralittat tigooqqarnerisa saniatigut Qeqertarsuup tunuani aalisartut qaleralittaannik tigooqqaasarnissartik, piginneqatigiiffiup aamma naatsorsuutigaa.
Pisat aalisakkerivissap ammarnissaata tungaanut qerititsivissuarniitinneqassapput, Sigguk A/S taama ilisimatitsivoq.