Qinngasaarisarneq millisarniarlugu suliniuteqalerpoq
Skrevet af Jokum Nielsen
Nunatsinni meeqqat inuusuttuaqqallu internettimi naapittarfiat Arto.dk qinngasaarisarneq millisarniarlugu suliniuteqalerpoq.
Naapittarfiup Artop qinngasaarisarneq malersuisarnerlu piffissami sivisuumi qanoriliuuseqarfigineq ajormagu isornartorsiorneqartarsimavoq. Suliniaqatigiiffik Red Barnet suleqatigalugu inunnik pingasunik atorfinitsinikkut Artop isornartorsiuisarneq iliuuseqarfiginialerpaa.
Meeqqat inuusuttuaqqallu qinngasaarneqartartut ullup unnuallu ingerlanerani atorfinittussanit siunnersorneqartassapput.
Taassuma saniatigut meeqqat inuusuttuaqqallu assit naapittarfimmut ilisartagaat Artomit nakkutigineqarnerulissapput.