Inatsisit WTO-mi malittarisassanut nalimmassarneqassapput
Skrevet af Jokum Nielsen
Kinap Nunat tamalaat niueqatigiinnikkut suleqatigiiffianni WTO-mi malittarisassat malilermagit Kalaallit Nunaata Kinamut tuniniaanera qaffarujussuarpoq, akitsuutimmi qaffasissimaqisut apparsarneqarujussuarput.
Ilaatigut taama Matthew Kennedy Nunat tamalaat niueqatigiinnikkut suleqatigiiffianni inatsisileritooq oqarpoq.
Nunat tamalaat niueqatigiinnikkut suleqatigiiffiat atorfillit marluk Namminersornerullutik Oqartussani sulisunut allanullu soqutiginnittunut Katuami ippassaq oqalugiarput. Ullunilu tulliuttuni Namminersornerullutik Oqartussani eqqartorneqassaaq Kalaallit Nunatsinni inatsisaasut sorliit WTO-mi malittarisassanut nalimmassarneqassanersut.