Qeqertarsuarmi politiit sapaatip akunnerata kingulliup naanerani ulapissimapput.
Angut imigassartorsimasoq inunnik pingasunik aallaammik qunusaarisimammat arfininngormat ullaassakkut tigusarineqarpoq. Aallat qunusaarinermi atorneqartoq imaqarsimanersoq politiinit maanna paasiniarneqartoq, politiassistentimit Christina Waldstrømimit nalunaarutigineqarpoq.
Tallimanngornerup arfininngornerullu akornanni unnuakkut toqutsiniarluni qunusaarisoqarsimavoq. Inuk ataaseq unnerluutigineqarlunilu tigummigallagaavoq.
Qimmeq ikinnerpaamik quleriarluni aallaarsarineqarluni toqunneqarsimasoq ippassaq sapaammi nassaarineqarsimavoq. Qimmeq naalliutsinneqarsimanersoq toqunneqaannarsimanersorluunniit politiinit maanna paasiniarneqarpoq.