Rakettimik igeriussiniartut
Skrevet af Mads Lynge
Naak amerikamiut Japanimiullu akerliulluinnaraluartut Koreami Avannarlermi raketti ungasissumut igeriunneqarsinnaasoq misilinneqarnissaminut piareersarneqaleruttorpoq.
- Korea Avannarliup rakettip misilittarneqannginnissaannik mianersoqqussutigut akueriumassanngippagu, Japan USA-mik isumaqatigiissuteqarnini naapertorlugu Korea Avannarlermut sakkortuumik iliuuseqartariaqassaaq, Japanip premierministeria Junichiro Koizumi tusagassiortunik katersortitsinermi oqarpoq.
Raketti atomimik qaartartortaqarsinnaasoq, 4.300 kilometerinik ingerlaarsinnaavoq, taamaalillunilu Alaskamut anngussinnaassalluni.
Korea Avannarleq 1998-imi tupaallatsitsivoq, Japani qarsullugu ingerlaartumik rakettimik igeriussimmat.