Maradona sukkavallaamik biilerluni unitsinneqarpoq
Skrevet af Jokum Nielsen
Isikkamik arsaannermik nuannarisallit ulluni makkunani malinnaalluarunaqisut puigorsinnaanavianngivippaat Argentinamiu arsaattartorsuaq Diego Maradona.
Maradona isikkaminik atuillaqqilluinnassutsimigut ilisimaneqaqisoq arsanuinnaq kisiat isikkani atorneq ajorpaa, tassami aamma biilerneq nuannarilluinnarpaa.
Argentinap Serbia-Montenegro arfinilinnik målerluni sukisaarsarfigereermagu qularnanngitsumik Maradona nuannaaqisoq hoteliminut sukkalisaangaatsiarluni angerlarsimavoq, tassami 80-ersorluni ingerlaffigisinnaasamini 120-ersorluni ingerlaarsimavoq. Politiinit unitsinneqarpoq 200 euronillu akiligassinneqarluni, tassa 1.400 koruunit missaanik.